शाहरुखकी छोरी सुहानाको पहिलो चलचित्र रिलिज, फ्यानले दिए यस्तो प्रतिक्रिया

०४ मंसिर २०७६, काठमाडौँ

शाहरुख खानकी सुहाना सधैँ चर्चामा रहने स्टारकिड हुन् । उनले पनि फिल्म क्षेत्रमा नै आफूलाई स्थापित गराउन चाहेको कुरा शाहरुखले बताएका थिए । यस्तै सुहानाले खेलेको पहिलो चलचित्र द ग्रे पार्ट अफ ब्लु रिलिज भएको छ ।

यो छोटो चलचित्रलाई दर्शकले निकै नै रुचाइरहेका छन् भने सुहानाको अभिनयको पनि निकै तारिफ भैरहेको छ । यो छोटो फिल्म भएपनि सुहानाले दर्शकको निकै माया पाउन सफल भएकी छिन् । सुहानाले सामाजिक सञ्जालमा पनि आफ्नो खुसी साटेकी छिन् ।

मुख्य भूमिकामा देखिएकी सुहानाको यो पहिलो फिल्म उनकै कक्षाका साथीहरूले बनाएका हुन्। यो उनीहरूको ‘प्रोजेक्ट’ हो।