०४ मंसिर २०७६, काठमाडौँ
उषा थपलिया र उनकी छोरी संविदा वाग्लेको छुट्टाछुट्टै पुस्तक शनिबार एकैपटक विमोचन भएको छ ।
आमाले लेखेको पुस्तक नारी तिमी हारेकी छैनौ र छोरीले लेखेको पुस्तक नवपल्लव विमोचन कार्यक्रममा पूर्वप्रधानमन्त्री तथा नेकपा का नेता माधवकुमार नेपाल लगायत अन्य प्रतिष्ठित व्यक्तिहरु पनि उपस्थित भएका थिए ।
यस्तै सोहि दिन उषा र उनकी छोरीले गाएको गीत पनि सार्वजनिक भएको छ । उषाकै शब्द र संगीत रहेको तिमी पाएरै बोलको गीतमा उषा र उनकी छोरी संविदाको आवाज रहेको छ ।
निकै मनछुने शैलीको गीतमा आमाछोरी नै फिचर्ड छन् । गीतको भिडियोमा आमा र छोरीको प्रेमलाई देखाइएको छ ।
