०६ मंसिर २०७६, काठमाडौँ
भारतका चर्चित संगीतकार तथा इन्डियन आइडल का जर्ज अनु मलिक केही समय अघि मिटु मा मुछिएका थिए । जसका कारण उनलाई इन्डियन आइडल को जर्जबाट निकालिएको थियो । अनु मलिक इन्डियन आइडल को जर्ज बाट मात्र निकालिएनन् उनको करियरमा नै ठूलो असर पर्यो ।
केहीदिन अघि अनुले आफूले निर्दोष भएको बताएका थिए । तर उनी फेरि इन्डियन आइडल को जर्ज बाट निकालिएका छन् । अब उनको ठाउँमा जर्जको रुपमा को आउने हुन् त्यसको भने टुङ्गो लागेको छैन ।
बिहीबार गायिका सोना महापात्राले महिला तथा बालबालिका विकास मन्त्री स्मृति ईरानीलाई खुल्ला पत्र लेखेर अनु मलिकको यौन शोषणको विषयमा आवाज उठाउन आग्रह गरेकी थिइन् । त्यसपछि राष्ट्रिय महिला आयोगले उक्त विषयमा चासो देखाएको थियो ।
आयोगले सोनी टेलिभिजनसँग स्पष्टिकरण मागेको थियो । आयोगले सोनी इन्टरटेनमेन्ट टेलिभिजनका अध्यक्ष रोहित गुप्तालाई सूचना जारी गर्दै मलिकलाई शोबाट निकाल्न आग्रह गरेको थियो ।
