०८ मंसिर २०७६, काठमाडौँ
नेपाली दर्शकले जति नेपाली चलचित्रलाई मन पराउने गरेका छन् त्यो भन्दा बढी बलिउड चलचित्रलाई मन पराउने गरेका छन् । जसका कारण बलिउड कलाकारहरु नेपाली दर्शकको लागि पनि निकै प्रिय छन् । यस्तै बलिउड कलाकारहरुको हरेक कुराको चासो नेपाली दर्शकलाई पनि रहेको छ ।
बलिउडमा यस्ता केही कलाकारहरु छन् जसले फिल्म क्षेत्रमा निकै योगदान दिएका छन् र बलिउडमा आफ्नो छुट्टै स्थान बनाएका छन् । तर आज हामी यहाँ कम पढेका बलिउड सेलिब्रेटीहरुको बारेमा चर्चा गर्नेछौ ।
आमिर खान
आमिर खान बलिउडका निकै चर्चित कलाकार हुन् । उनी कम तर ब्लकबस्टर चलचित्र दिने गर्छन् । तर पढाईको कुरा गर्नुपर्दा आमिरले त्यति पढेका छैनन् । अझ भनुम आमिर कहिले स्कुल समेत गएका छैनन् । उनी आफैले एक अन्तवार्तामा स्कुलसँग आफ्नो कुनै सम्बन्ध नभएको बताएका थिए ।
सलमान खान
सलमान पनि खासै धेरै पढेका अभिनेता होइनन् । सिंधिया स्कुल ग्वालियर र सेन्ट स्टीन्सलाँ स्कुल मुम्बइपछि उनले नेश्नल कलेज मुम्बइमा भर्ना भए । तर त्यसपछि उनी कलेज गएका छैनन् । सलमानले माध्यामिक शिक्षासम्म अध्ययन गरेका छन् ।
अक्षय कुमार
अक्षय कुमारले पनि माध्यमिक तहसम्मको मात्र अध्ययन गरेका छन् । कक्षा ११ मा उनी भर्ना त भएका थिए । तर उनले आफ्नो पढाईलाई निरन्तरता भने दिएनन् ।
आलिया भट्ट
बलिउड क्वीन आलिया भट्टले पनि स्कुलसम्मको मात्र अध्ययन पुरा गरेकी छिन् । सानै उमेरमा फिल्म क्षेत्रमा करियर बनाउन थाल्दा उनले आफ्नो पढाइ पुरा गर्न भ्याइनन् ।
कट्रिना कैफ
कट्रिना सामान्य परिवारमा हुर्किएकी थिइन् । फेरि सानै उमेरमा परिवारबाट अलग्गिएका कारण उनले पनि पढाइलाई निरन्तरता दिन पाइनन् । उनले कहिल्यै विद्यालय जान पाइनन् ।
करिश्मा कपुर
कुनै समयमा बलिउडमा राज गरेकी अभिनेत्री करिश्मा कपुरले मात्र ६ कक्षासम्म पढेकी छिन् ।
दिपिका पादुकोण
दिपिका पादुकोणले पनि स्कुलसम्मको मात्र अध्ययन पुरा गरेकी छिन् । त्यसपछि उनले पनि मोडलिङ क्षेत्रमा लाग्दा पढाई पुरा गर्न पाइनन् ।
कंगना रणावत
कंगना रणावतले १२ कक्षामा फेल भएका कारण पढ्नै छाडिदिएकी थिइन् ।
