सामाजिक सञ्जालमा ‘तरकारीवाली’ को नामले परिचित कुसुम श्रेष्ठले गरिन् विवाह

०८ मंसिर २०७६, काठमाडौँ

सामाजिक सञ्जालमा निकै चर्चा कमाएकी तरकारीवालीको नामले फेमस कुसुम श्रेष्ठले मंसिर ६ गते विवाह गरेकी छिन् । डोकोमा तरकारी बोकेर हिड्दै गरेको फोटो अचानक भाइरल भएपछि त तरकारीवाली सेलिब्रेटी नै बनेकी थिइन् ।

उनलाई धेरै म्यूजिक भिडियो र चलचित्रबाट अफर समेत आए । उनले एक चलचित्र र केही म्यूजिक भिडियोमा काम समेत गरिन् । तर सोचेजति सफलता भने पाइनन् । पछि त उनी फेरि गुमनाम नै भैसकेकी थिइन् ।

अहिले विवाह गरेका कारण फेरि उनको चर्चा चुलिएको छ । सामाजिक सञ्जालमा उनलाई बधाई दिनेको ओइरो नै लागेको छ । उनले शुक्रवार धादिङ मैदीका राजन श्रेष्ठसँग विवाह गरेकी छिन् ।