०८ मंसिर २०७६, काठमाडौँ
बलिउड नायिका प्रियंका चोपडा सधै चर्चामा रहिरहने नायिका हुन् । तर आजभोली प्रियंका आफ्ना पति निक जोनसका कारण चर्चामा आउन थालेकी छिन् । कहिले निकसँगको रोमान्टिक तस्बिर त कहिले निकको लागि खाना बनाएको कुराले उनको चर्चा चुलिरहेको हुन्छ ।
अहिले पनि प्रियंका निकका कारण सामाजिक सञ्जालमा चर्चामा छिन् । एक च्याट शो मा प्रियंकाले आफू निकसँग व्यवसायिक रुपमा कहिल्यै गीत नगाउने र उनको गीतमा काम नगर्ने बताएकी छिन् ।
प्रियंकाले आफूलाई संगीतमा निकै रुचि भएको तर निक निकै प्रोफेस्नल सिंगर र कम्पोजर भएकाले आफूले उनीसँग गीत गाउन नसक्ने बताएकी छिन् । साथै उनले हरेक बिहान निकले आफ्नो लागि नयाँ नयाँ प्रस्तुती दिने गरेको पनि बताइन् ।
