‘क्रिस ४’ मा नायिकाको लागि ऋतिकले गरे मृणाल ठाकुरको नाम सिफारिस

०८ मंसिर २०७६, काठमाडौँ

ऋतिक रोशन यतिबेला कुनैपनि चलचित्रमा काम गरिरहेका छैनन् । उनलाई लगातार चलचित्रबाट अफर आइरहेका छन् तर उनी कुन चलचित्रमा काम गर्ने भनेर दोधारमा छन् । तर उनले अब आफ्नै होम प्रोडक्सनकोे चलचित्र क्रिस ४ मा काम गर्न लागेको पनि बताइएको छ ।

यो चलचित्रमा नायिकाको लागि अडिसन हुने भएको छ । यस्तै ऋतिकले चलचित्रको नायिकाको लागि मृणाल ठाकुरको नाम शिफारिस गरेका छन् । मृणालले ऋतिकसँग चलचित्र सुपर ३० मा काम गरिसकेकी छिन् ।

अहिले मृणाल चलचित्र जर्सी को रिमेकमा व्यस्त छिन् । चलचित्रमा उनको जोडी साहिद कपुरसँग बाधिएको छ । मृणाल केहीदिन अघिमात्र चलचित्रमा अनुबन्धित भएकी हुन् ।