१० मंसिर २०९७६, काठमाडौँ
द भ्वाइस अफ नेपाल सिजन २ मा आएर छोटो समयमा नै सर्वाधिक चर्चा कमाउन सफल भएका प्रतियोगी हुन् सनिस श्रेष्ठ । उनले ब्लाइन्ड अडिसनमा गाएको लै लै बोलको गीतले सारा नेपालीको मन छोयो । ब्लाइन्ड अडिसनदेखि सबैको फेबरेट बनेका सनिस अहिले भ्वाइस अफ नेपालको टप ८ मा छन् ।
उनले भ्वाइस मा आएर चर्चा मात्र कमाएनन् यो बर्षको प्रतिक्षित चलचित्र म यस्तो गीत गाउँछु २ मा आफ्नो आवाज भर्ने मौका पनि पाएका छन् । सुदर्शन थापाले निर्देशन गरेको चलचित्र म यस्तो गीत गाउँछु २ मा पल शाह र पूजा शर्मा मुख्य भूमिकामा छन् । यस्तै द भ्वाइस को सेटमा नै चलचित्रको एक गीतको छायांकन भैरहेको छ । सनिससँग निर्माण टिमले द भ्वाइस को सेटमा नै सम्झौता गरेको हो ।
यस्तै अर्जुन पोखरेलको संगीत रहने गीतको रेकर्डिङ केहीदिनमा नै गरिने अर्जुनले जानकारी दिएका छन् । सनिसको आवाज रहने गीतमा अभिनेता पल शाह फिचर्ड हुने बताइएको छ ।
