चैत्र २८ मा ‘प्रेमगीत ३’ सँगै ‘चपली हाइट ३’ पनि रिलिज हुने, प्रदिप र स्वस्तिमाको भिडन्त पक्का

१० मंसिर २०७६, काठमाडौँ

चैत्र २८ गतेबाट यो बर्षको बहुप्रतिक्षित चलचित्र प्रेमगीत ३ आउने घोषणा धेरै पहिले नै भएको हो । चलचित्र प्रेमगीत ३ निर्माण टिमले फ्लोरमा जानु अगावै चलचित्रको रिलिज डेट तय गरेको थियो ।

यो चलचित्र सिंगल प्रदर्शन हुने आश गरिएको थियो । तर प्रेमगीत ३ सँगै यो बर्षको अर्को प्रतिक्षित चलचित्र पनि प्रदर्शनमा आउने भएको छ । केहीदिन अघिबाट मात्रै छायांकन सुरु भएको चलचित्र चपली हाइट ३ पनि अब चैत्र २८ गतेबाट नै प्रदर्शनमा आउने भएको छ ।

चपली हाइट ३ का निर्माताले यसअघिको चपली हाइटको सिरिज पनि चैत्रमा नै रिलिज भएकाले यसपटक पनि चलचित्र चैत्रमा नै रिलिज गर्न लागेको जानकारी दिए । चपली हाइट ३ पनि यो बर्षको प्रतिक्षिच चलचित्र भएकाले प्रेमगीत ३ पनि यो चलचित्रको प्रभाव पर्ने देखिन्छ । पहिलो पटक बक्सअफिसमा प्रदिप र स्वस्तिमाको चैत्र २८ मा भिडन्त हुने पक्का भएको छ ।