१० मंसिर २०७६, काठमाडौं
नेपाल कम्युनिष्ट पार्टी(नेकपा)का अध्यक्ष पुष्पकमल दाहाल ‘प्रचण्ड’ले मधेशमा विकास निर्माणको काम समयमा पूरा नगर्ने निर्माण व्यवसायीविरुद्ध आफू अनसन बस्न पनि तयार रहेको बताएका छन्।
नेकपा प्रदेश २ ले बाराको निजगढमा मंगलबार गरेको कार्यक्रमलाई सम्बोधन गर्दै उनले समयमा विकास निर्माणको काम पूरा नगर्ने ठेकदारलाई कारबाही गर्न सरकारलाई आग्रह गर्ने र कारबाही नभए आफैं आएर अनसन बस्ने बताएका हुन्।
‘यदि ठेकदारले द्रुतगतिमा काम गर्दैन भने तिनलाई के कारबाही गर्नुपर्ने म सरकारलाई भन्छु। यदि सरकारले सुनेन भने म आफैँ नै अनसनमा बसेर भए पनि तपाईँहरुको साथमा रहने छु।’ उनले भने ।
फाइल तस्वीर