‘सूर्य इन्टरनेशनल अवार्ड’ मा साम्राज्ञीले उचालिन् उत्कृष्ट नायिकाको अवार्ड

११ मंसिर २०७६, काठमाडौँ

गत आइतबार जापानको टोकियोमा सम्पन्न भएको दोस्रो सूर्य इन्टरनेशनल अवार्ड मा नायिका साम्राज्ञी राज्यलक्ष्मी शाहले उत्कृष्ट नायिकाको अवार्ड हात पारेकी छिन् । उनी विशेष अवार्ड कार्यक्रमको लागि नै जापान पुगेकी थिइन् ।

साम्राज्ञी आफ्नी आमाको साथ जापान गएकी थिइन् । अवार्ड समारोह आयोजकले जति सोचेका थिए, त्यति राम्रो भने हुन सकेन । विदेशमा हुने अवार्ड कार्यक्रमहरु सधै नै विवादित नै बनिरहेका हुन्छन् ।

सूर्य इन्टरनेशनल अवार्ड पनि यो कुराबाट अछुतो रहन भने सकेन । अवार्ड समारोहमा दर्शकभन्दा पनि नेपालबाट गएका कलाकार नै उपस्थित भएका थिए । जसका कारण आयोजकले आलोचित हुनुपर्यो ।