१३ मंसिर २०७६, काठमाडौँ
नायिका बर्षा राउत अहिले कुनै चलचित्रमा व्यस्त छैनन् । यो बर्ष उनको जात्रै जात्रा र दाल, भात, तरकारी प्रदर्शनमा आए । जात्रै जात्रा ले बक्सअफिसमा धमाकेदार व्यापार गर्न सफल पनि भयो भने दाल, भात, तरकारी औषत मात्र चल्यो ।
अहिले बर्षा म्यूजिक भिडियो र विभिन्न अवार्ड समारोहमा व्यस्त छिन् । केहीदिन अघिमात्र जापानमा सम्पन्न भएको सूर्य इन्टरनेशनल अवार्ड को लागि पनि उनी जापान पुगेकी थिइन् । उनले चलचित्र गोपी बाट उत्कृष्ट सह अभिनेत्रीको अवार्ड पनि पाइन् । अवार्ड थाप्न रातो साडीमा पुगेकी बर्षाको सुन्दरताको प्रशंसा गर्न सबैले भ्याएका थिए ।
