१३ मंसिर २०७६, काठमाडौँ
दबंग ३ यो बर्षको निकै प्रतिक्षित चलचित्र हो । सलमान खान, सोनाक्षी सिन्हा लगायतका कलाकारको मुख्य भूमिका रहेको चलचित्रलाई प्रभु देवाले निर्देशन गरेका हुन् । दबंग ३ लाई लिएर सलमानका फ्यानहरु निकै नै उत्साहित रहेका छन् ।
यसअघि रिलिज भएका दबंग र दबंग २ लाई दर्शकले निकै रुचाएका थिए । दुवै चलचित्र बक्अअफिसमा ब्लकबस्टर साबित भएका थिए । यस्तै दबंग ३ पनि हिट हुने अनुमान धेरैले लगाइरहँदा एक समिक्षकले भने दबंग ३ बक्सअफिसमा फ्लप हुने बताएका छन् ।
अन्टसन्ट बयानबाजी गरेर मिडियामा चर्चामा बनिरहने कमाल आर खान ९केआरके० ले ‘दबङ्ग–३’ फ्लप हुने भविष्यवाणी गरेका छन् । आफूलाई फिल्म समीक्षक बताउने खानले बक्स अफिसमा सलमान खानको चलचित्र नराम्रोसँग पिट्ने दाबी गरेका हुन् । उनले चलचित्रको ट्रेलरलाई महाफ्लप बताएका छन् ।
नले चलचित्रको गीत र ट्रेलरलाई बकवास बताएका छन् । उनले चलचित्रलाई हेर्न काम नभएका र रिक्शावालहरु मात्र जाने पनि दाबी गरेका छन् । ‘चलचित्रले १५० करोड भन्दा बढी कमाइ गर्न सक्दैन ।’
