अनमोल र नम्रताको लोभलाग्दो मित्रता

१३ मंसिर २०७६, काठमाडौँ

नायक अनमोल केसी यतिबेला अमेरिकामा छन् । उनी अमेरिकामा नोभेम्बर ३० तारिखमा हुन लागेको चौथो ग्लोबल नेपाली फिल्म अवार्ड का लागि अमेरिका पुगेका छन् । त्यो भन्दा पहिले उनी सूर्य इन्टरनेशनल अवार्ड को लागि जापान गएका थिए । उनी जापानबाट सिधै अमेरिका गएका हुन् ।

यस्तै नायिका नम्रता श्रेष्ठ पनि अवार्ड समारोहको लागि अमेरिका पुगेकी छिन् । नम्रताले सामाजिक सञ्जालमा आफ्नो र अनमोलको तस्बिर साझेदार गर्दै ह्याप्पी फेस लेखेकी छिन् । अनमोल र नम्रता एकअर्कासँग निकै मिल्छन् । उनीहरुबिच कुराहरु धेरै सेयर हुने गरेको अनमोलले बताएका थिए । नम्रताले सेयर गरेको तस्बिरमा पनि दुवै निकै खुसी मुद्रामा देखिएका छन् ।