‘प्रेमगीत ३’ मा शिवको यस्तो लुक्स

१४ मंसिर २०७६, काठमाडौँ

प्रेमगीत ३ यो बर्षको बहुप्रतिक्षित चलचित्र हो । प्रेमगीत र प्रेमगीत २ लाई दर्शकले अत्यन्तै रुचाएका थिए । जसका कारण पनि प्रेमगीत ३ दर्शकमाझ प्रतिक्षित बन्न पुगेको हो ।

प्रेमगीत ३ मा अभिनेता प्रदिप खड्का योद्धा अवतारमा देखिने भएका छन् । उनको बाबुको भूमिका अभिनेता शिव श्रेष्ठले निर्वाह गरिरहेका छन् । चलचित्रमा शिव राजाको भूमिकामा देखिएका छन् ।

यस्तै भर्खरै मात्र प्रेमगीत ३ को नयाँ पोष्टर रिलिज भएको छ । पोष्टरमा शिव श्रेष्ठ मात्र फिचर्ड छन् । पोष्टरमा शिवको निकै डरलाग्दो लुक्स देखाइएको छ । सन्तोष सेनले निर्माण गरेको चलचित्रलाई छेतन गुरुङले निर्देशन गरिरहेका छन् ।

चलचित्रमा प्रदिप र शिवका अलवा नव नायिका कृष्टिना गुरुङ, मनिष लिम्बु, सन्तोष सेन, अनुभव रेग्मी, लक्ष्मी वर्देवा लगायतका कलाकारको मुख्य भूमिका रहेको छ । प्रेमगीत ३ चैत्र २८ बाट देशव्यापी रुपमा प्रदर्शनमा आउने भएको छ ।