पूजा र आकाशको ‘सम्झना बिर्सना’ मा छुल्ठिमको इन्ट्रि

१४ मंसिर २०७६, काठमाडौँ

रामकहानी बाट दर्शकमाझ निकै प्रिय बनेको जोडी हो पूजा शर्मा र आकाश श्रेष्ठको । उनीहरु अहिलेका निकै लोकप्रिय कलाकार हुन् । रामकहानी पछि पूजा र आकाशले लगातार सँगै काम गरिरहेका छन् ।

रामकहानी पछि उनीहरु अभिनीत चलचित्र पोई पर्यो काले केहीसमय अघि प्रदर्शनमा आएको थियो । उनीहरु अभिनीत चलचित्र सम्हालिन्छ कहिले मन प्रदर्शनको पर्खाइमा रहेको छ । यस्तै अहिले पूजा र आकाश चलचित्र सम्झना बिर्सना को छायांकनमा व्यस्त छन् ।्

सम्झना बिर्सना को छायांकनका लागि पूजा र आकाश भारतको सिलगुडी पुगेका छन् । यस्तै पूजा र आकाशको सम्झना बिर्सना मा नायिका छुल्ठिम गुरुङको इन्ट्रि भएको छ ।

चलचित्रमा छुल्ठिमको विशेष भूमिका रहने बताइएको छ । यस्तै पूजा, आकाश र छुल्ठिमसँगै चलचित्रमा सुनिल थापा, शिशिर राणा लगायतका कलाकारको पनि मुख्य भूमिका रहेको छ ।