‘तिमीसँगै हुने मन छ’ मा दिपिकासँग रोमान्स गर्दै पल र निराजन

१४ मंसिर २०७६, काठमाडौँ

निर्देशक दिवाकर भट्टराईले केहीसमय अघि चलचित्र तिमीसँगै हुने मन छ बनाउने घोषणा गरेक थिए । चलचित्रमा नायिकाको रुपमा उनकी श्रीमती तथा नायिका दिपिका प्रसाई अनुबन्धित भैसकेकी छिन् ।

यस्तै चलचित्रमा अभिनेता आर्यन सिग्देल हुने बताइएको थियो । तर दिवाकरले आर्यनसँग आफ्नो टिमअप यो चलचित्रमा नभएर अर्कै चलचित्रमा हुने बताए । यस्तै चलचित्र तिमीसँगै हुने मन छ मा अभिनेता पल शाह फाइनल भएका छन् । पलसँगै चलचित्रमा म्यूजिक भिडियोबाट सर्वाधिक चर्चा कमाएका मोडल निराजन प्रधान पनि फाइनल भएका छन् ।

यस अर्थमा तिमीसँगै हुने मन छ मा पल र निराजनले नायिका दिपिका प्रसाईसँग रोमान्स गर्नेछन् । दिपिका र दिवाकार अहिले अमेरिकामा आज हुन लागेको चौथो ग्लोबल नेपाली फिल्म अवार्ड को लागि अमेरिका पुगेका छन् । अमेरिकाबाट फर्किएपछि उनीहरुले चलचित्र तिमीसँग हुन मन छ को काम अगाडी बढाउनेछन् ।