१८ मंसिर २०७६, काठमाडौँ
राजेश हमाल, भुवन केसी र शिव श्रेष्ठ कुनै समयमा नेपाली चलचित्र क्षेत्रमा एकछत्र राज गरेका अभिनेताहरु हुुन् । यी अभिनेताको चलचित्र नहेर्ने र यिनलाई नचिन्ने सायद कोहीपनि छैनन् होला । अहिले पनि धेरै दर्शकको मनपर्ने कलाकारको रुपमा यिनै अभिनेताको नाम अग्रस्थानमा आउँछ ।
पहिले जस्तो चलचित्रमा यी अभिनेताको व्यस्तता अहिले छैन । तर नेपाली चलचित्र क्षेत्रलाई यो उत्कर्षमा ल्याउन यी अभिनेताको निकै ठूलो योगदान रहेको छ । यस्तै यी तिनै अभिनेताले एक चलचित्रमा सँगै काम पनि गरेका छन् ।
त्यसपछि उनीहरु एकसाथ देखिएका थिएनन् । केहीदिन अघि अमेरिकामा सम्पन्न भएको ग्लोबल नेपाली फिल्म अवार्ड मा भने यी तिनै अभिनेता एकसाथ स्टेजमा देखिएका थिए । त्यतिबेलाको माहोल नै अर्कै बनेको थियो । तिन अभिनेताको स्टेजमा मित्रता पनि गज्जबको देखिएको थियो ।
