‘चपली हाइट ३’ मा अर्पणको यस्तो लुक्स

१८ मंसिर २०७६, काठमाडौँ

चपली हाइट ३ यो बर्षको प्रतिक्षित चलचित्रमध्येको एक हो । यसअघि चपली हाइट र चपली हाइट २ रिलिज भैसकेको छ । चपली हाइट व्यवसायिक रुपमा सफल भएको थियो भने चपली हाइट २ ले त्यति राम्रो व्यापार गर्न सकेको थिएन ।

चपली हाइट ३ मा भने अहिलेकी चर्चित नायिका स्वस्तिमा खड्का, सुपुष्पा भट्ट, आमिर गौतम, महेश त्रिपाठी लगायतका कलाकारको मुख्य भूमिका रहेको छ । जसका कारण पनि चलचित्र दर्शकमाझ प्रतिक्षित बनेको हो । यस्तै चपली हाइट ३ मा अर्पण थापाको पनि इन्ट्रि भएको छ ।

चलचित्रमा अर्पण भिलेनको रुपमा देखिने अनुमान चलचित्रको सुटिङ युनिटबाट सार्वजनिक उनका तस्बिरबाट लगाउन सकिन्छ । यो चलचित्र चैत्र २८ बाट देशव्यापी रुपमा प्रदर्शनमा आउने भएको छ ।