‘सम्झना बिर्सना’ मा पूजाको यस्तो लुक्स

१८ मंसिर २०७६, काठमाडौँ

नायिका पूजा शर्मा यतिबेला चलचित्र सम्झना बिर्सना को छायांकनमा व्यस्त छिन् । केहीसमय अघि चलचित्र म यस्तो गीत गाउँछु २ को छायांकन सकेर पूजा चलचित्र सम्झना बिर्सना मा व्यस्त भएकी हुन् ।

सम्झना बिर्सना मा पूजा शर्माको जोडी आकाश श्रेष्ठसँग बाधिएको छ । आकाश र पूजाले पहिलो पटक चलचित्र रामकहानी मा काम गरेका थिए । त्यसपछि उनीहरुले ब्याक टु ब्याक एकसाथ काम गरिरहेका छन् ।

अहिले भारतको सिलगुडीमा चलचित्र सम्झना बिर्सना को धमाधम छायांकन भैरहेको छ । चलचित्रमा पूजाको नाम सम्झना रहेको पूजा स्वयमले जानकारी दिएकी छिन् ।