अनमोल भन्छन् : ‘अवार्ड मेरो लागि सम्मान हो, जुन लोभ गरेर पाइदैँन’

१८ मंसिर २०७६, काठमाडौँ

अनमोल केसी अहिलेका हटकेक अभिनेता हुन् । उनको पाइपलाइनमा निकै चलचित्र रहेका छन् । तर अनमोल स्त्रिप्ट छनौटमा निकै चुजी मानिने भएकाले उनले एकदमै कम चलचित्रमा मात्र काम गर्ने गरेका छन् ।

अनमोल अहिले अमेरिकामा छन् । उनी केहीदिन अघि अमेरिकामा भएको ग्लोबल नेपाली फिल्म अवार्ड मा सहभागी हुनको लागि अमेरिका पुगेका थिए । अनमोलले स्टार अफ दि इयर को अवार्ड पनि पाए । त्यो भन्दा केहीदिन अघिमात्र सम्पन्न भएको सूर्य इन्टरनेशनल अवार्ड मा पनि उनले पपुलर नायकको अवार्ड हात पारेका थिए ।

अनमोललाई सधै अवार्ड पाउने पक्का भएपछि मात्र अवार्ड कार्यक्रममा सहभागी हुने गरेको आरोप लाग्ने गरेको छ । अनमोल भने यो कुरालाई नकार्छन् ।

उनी कलाकारलाई अवार्ड उनीहरुको कामको सम्मान गरेर अझै राम्रो काम गर्न हौसला प्रदान गर्नको लागि दिइने बताउँछन् । साथै उनी अवार्ड लोभ गरेर नपाइने पनि बताउँछन् । अनमोललाई अवार्ड को लोभ गरेको पनि आरोप लाग्ने गरेकाले अनमोलले यस्तो जवाफ दिएका हुन् ।