२० मंसिर २०७६, काठमाडौँ
अनुष्का शर्मा मिस वर्ल्ड मा सहभागी हुनको लागि केहीसमय अघि बेलायत उडेकी थिइन् । डिसेम्बर १४ मा हुन लागेको मिस वर्ल्ड मा अहिले विभिन्न राउण्डसँगै भोटि पनि सुरु भैसकेको छ ।
भोटिङमा अनुष्काले विश्वभरबाट आएका १२४ सुन्दरीसँग प्रतिस्पर्धा गरिरहेकी छिन् । यस्तै अनुष्का अहिले भोटिङको दोस्रो स्थानमा छिन् । भोटिङमा पहिलो स्थानमा हुने सुन्दरीले सिधै टप २० मा प्रवेश गर्न पाउनेछिन् । त्यसैले हामीले अनुष्कालाई भोट गरेर पहिलो स्थानमा पुर्याउन आवश्यक छ ।
उनले ११.९ प्रतिशत भोट पाएकी छिन् । पहिलो स्थानमा रहेकी भियतनामकी सुन्दरी लोअङ थुय लिंहले १३.९१ प्रतिशत भोट पाएकी छिन् ।
नेपाली सुन्दरीको भोटमा बङ्गलादेशी सुन्दरीले पछ्याएकी छिन् । बङ्गलादेशकी सुन्दरी रफह तेर्साको भोट प्रतिशत ११.२० छ ।
