आज ‘दि भ्वाइस अफ नेपाल’ सिजन २ को फाइनल हुदैँ, को बन्ला त विजेता ?

२१ मंसिर २०७६, काठमाडौँ

पछिल्लो समयमा दर्शकले सर्वाधिक रुचाएका रियालिटी शो दि भ्वाइस अफ नेपाल सिजन २ को आज हायत ग्राउण्डमा ग्राण्ड फिनाले हुदैँछ । दि भ्वाइस अफ नेपाल सिजन २ को फिनालेको लागि हायत ग्राउण्डलाई विशेष रुपले तयार गरिदैँ छ ।

दि भ्वाइस अफ नेपाल सिजन २ सिजन १ भन्दा निकै सफल रहेको छ । विभिन्न राउण्डहरु पार गर्दैै दि भ्वाइस को फाइनलमा ४ प्रतिस्पर्धी पुग्न सफल भएका छन् । फाइनलमा प्रत्येक कोचका १–१ प्रतिस्पर्धी पुगेका छन् ।

फाइनलमा कोच प्रमोदको टिमबाट राम लिम्बु, राजुबाट सनिस श्रेष्ठ, आस्थाबाट आरिफ राउफ र दिपबाट विकास लिम्बु पुगेका छन् । चारै प्रतिस्पर्धीको भोटिङ लाइन बन्द भएको छैन । रिजल्ट सुनाउने बेलासम्म भोटिङ लाइन खुल्ला रहेको बताइएको छ । अब दि भ्वाइस अफ नेपाल सिजन २ को उपाधी कसले जित्ने हुन् त्यो हेर्न भने अझै केही समय पर्खनै पर्छ ।