‘दि भ्वाइस’ को उपाधी जितेपछि रामले भने, ‘यो जित मेरो मात्र होइन सम्पूर्ण दर्शकको हो’

२२ मंसिर २०७६, काठमाडौँ

करिब ३ महिनादेखि चल्दै आएको निकै चर्चित रियालिटी शो दि भ्वाइस अफ नेपाल सिजन २ को हिजो ग्राण्ड फिनाले भएको छ । दि भ्वाइस अफ नेपाल सिजन २ को विजेताको उपाधी राम लिम्बुले जित्न सफल भएका छन् ।

अडिसनबाट नै कोचको मन जितेका राम सुरुमा कोच दिपको टिममा थिए । ब्याटल राउण्डमा उनले कोच दिपकै सुमन परियारसँग भिडन्त गरेका थिए । जहाँ कोच दिपले रामलाई नभएर सुमनलाई छानेका थिए भने प्रमोदले रामलाई स्टील गरेका थिए ।

आफ्नो प्रस्तुतीले दर्शकको मन जित्दै आएका रामले दर्शकको अत्याधिक माया र भोटको कारणले नै दि भ्वाइस को उपाधी जित्न सफल भएका हुन् । अहिले सामाजिक सञ्जालमा उनलाई बधाई दिनेको ओइरो नै लागेको छ ।

यस्तै रामले विजेता भएपछि सामाजिक सञ्जालमा आफूलाई भोट गर्ने सबै दर्शकलाई धन्यवाद दिदैँ यो जित आफ्नो मात्र नभएर सारा नेपालीको भएको बताएका छन् । हाम्रो तर्फबाट पनि रामलाई धेरै धेरै बधाई ।