२४ मंसिर २०७६, काठमाडौँ
बलिउडका किङ्ग सलमान खान यतिबेला चलचित्र दबंग ३ को प्रचारप्रसारमा व्यस्त छन् । डिसेम्बर २० देखि प्रदर्शनमा आउन लागेको दबंग ३ मा सलमानसँगै सोनाक्षी सिन्हा, सुदिपको पनि मुख्य भूमिका रहेको छ ।
बलिउडमा सलमानको फिल्मको फ्लप लिस्ट निकै नै कम छ । उनको चलचित्र भनेपछि यसै दर्शकहरु हलसम्म पुग्ने गर्छन् । दबंग ३ त झन यो बर्षको सबैभन्दा प्रतिक्षित चलचित्र हो ।
सलमानको दबंग ३ ले रिलिजपूर्व नै नाफा कमाइसकेको छ । फिल्मको स्याटालाइट राइटस् ८० करोड रुपैयाँमा विक्री भएको छ । जी नेटवर्कले यति रकम दिन तयार भएको हो ।
यस्तै फिल्मको डिजिटल राइटस् अमेजन प्राइमले ६० करोडमा किनेको छ । १५ करोडमा फिल्मको म्युजिक राइटस् विक्री भएको छ ।
रिलिजअघि नै यो फिल्म ३५ करोड भारु नाफामा गइसकेको छ ।
