२५ मंसिर २०७६, काठमाडौँ
शाहिद कपुर पछिल्लो समयमा बलिउडमा कबिर सिंह को नामले परिचित छन् । कबिर सिंह ले बक्सअफिसमा बम्पर कमाई गरेको थियो भने साहिदको अभिनयको पनि चौतर्फी चर्चा भएको थियो ।
कबिर सिंह मा शाहिदले निकै नै मेहेनत गरेका थिए र चलचित्रमा त्यो मेहेनत देखिएको पनि छ । तर एक अवार्ड शो मा गएका शाहिद अवार्ड नपाएपछि रिसाउँदै शो नै छोडेर गएको भारतीय मिडियाले बताएको छ ।
उक्त अवार्ड कार्यक्रममा शाहिदको प्रस्तुती समेत रहेको थियो । तर अवार्ड शाहिदको सट्टा रणवीर सिंहले पाएपछि उनी अवार्ड कार्यक्रमबाट जुरुक्क उठेर हिडे र आफ्नो प्रस्तुती समेत दिएनन् । उनी अवार्ड कार्यक्रमका निर्मातासँग पनि निकै रिसाएको बताइएको छ ।
