२८ मंसिर २०७६, काठमाडौं
दोश्रो त्रि-ज्योति सेभेन ए साईड अन्डर १६ फुटबल प्रतियोगिता कार्यक्रमको उद्घाटन भएको छ ।
कार्यक्रमको उद्घाटन अखिल नेपाल फुटबल संघका अध्यक्ष कर्मा छिरिङ शेर्पा, बूढानीलकण्ठ नगरपालिका वडा नं १२ का वडाध्यक्ष शम्भु भट्टराईले फुटबल हस्तान्तरण गरेर गरेका हुन् ।
प्रतियोगितामा पहिलो खेल त्रि-ज्योति र लिटल मुन स्कुलबिच हुदा त्रि-ज्योति ४-१ गोल अन्तरले विजयी भएको छ ।
एसईबि र हिमालयबीच भएको दोश्रो खेलमा ३-२ गोल अन्तरले एसर्ईबि विजयी भएको छ भने शुक्रबारनै सम्पन्न तेस्रो खेलमा बाग्मती स्कुलले युयुत्सुलाई ३-१ ले पराजित गरेको थियो ।
मंसिर २७ गतेबाट पुस ०६ गते सम्म हुने सेभेन ए साईड अन्डर १६ फुटबल प्रतियोगितामा भ्याली भित्रका २५ वटा विद्यालयका २६ वटा टीम सहभागि हुने भएका छन् ।
