१६ बर्षे युवकले दिए सलमानको घर बमले उडाइदिने धम्की

२९ मंसिर २०७६, काठमाडौँ

बलिउड अभिनेता सलमान खानको घर बमले उडाइदिने धम्की दिदैँ मुम्बई पुलिस स्टेशनमा केही समय अघि एउटा इमेल आएको थियो । इमेल पढ्ने बित्तिकै पुलिसहरुको होस उड्यो र उनीहरु तुरुन्त सलमानको घर पुगे ।

सलमान त्यसबेला घरमा थिएनन् । तर उनका आमाबुबा भने थिए । आमाबुबालाई त्यतिबेलासम्म केही भएको थिएन । पुलिसले सलमानका आमाबुबालाई सुरक्षित ठाउँमा राखेर घरको खोजीतलासी गरे । तर कतै केही भेटिएन ।

पछि थाहा भयो कि त्यो इमेल झुटो रहेछ । इमेल गाजियाबादबाट एक १६ बर्षे युवकले पठाएका रहेछन् । जब पुलिस उनको घर पुग्यो तब उनी फरार भइसकेका थिए । पुलिसले उनका दाइलाई घटनाबारे पूर्ण जानकारी दिएर उनलाई घर फिर्ता हुन बाध्य बनायो । त्यसपछि पुलिसले ती युवकलाई बान्द्राको पुलिस स्टेशनमा आत्मसमर्पणका लागि नोटिस पठाए र त्यसपछि उनलाई जुवेनाइल कोर्टमा पेश गरेपछि रिहा गरिएको छ ।