‘दबंग ३’ मा भाइसँग फाइट गरेको सिन खिच्दा रोए सलमान

३० मंसिर २०७६, काठमाडौँ

सलमान खान यतिबेला चलचित्र दबंग ३ को प्रमोशनमा व्यस्त छन् । दबंग ३ आउँदो शुक्रबार अर्थात डिसेम्बर २० देखि देशव्यापी रुपमा प्रदर्शनमा आउँदैछ ।

चलचित्रको रिलिज डेट नजिकिदैँ गर्दा यस चलचित्रको केही कुरा बाहिर आएको छ । चलचित्रमा सलमानसँगै उनका भाई अरबाज खान पनि मुख्य भूमिकामा छन् । दबंग को पहिलो सिरिजदेखि नै अरबाज सलमानसँगै छन् । प्राप्त जानकारी अनुसार यो चलचित्रमा सलमान र उनको भाईको दमदारर फाइट पनि देख्न पाइने छ ।

यस्तै चलचित्रमा उक्त फाइटको सिन गर्दा सलमानको आखाँ रसाएको थियो । हुन त त्यो केवल सुटिङ मात्र थियो । तरपनि आफ्नो भाईलाई पिट्नु पर्दा सलमान भावुक हुन पुगेका थिए । सलमान आफ्नो परिवारको हर सदस्यलाई निकै नै माया गर्छन् । जसको कारण उनी परिवारलाई पिडामा देख्न सक्दैनन् ।