३० मंसिर २०७६, काठमाडौँ
यो बर्षको प्रतिक्षित चलचित्र म यस्तो गीत गाउँछु २ को पहिलो गीत तिम्रो घरको वरिपरि अहिले युट्युब ट्रेन्डिङको पहिलो स्थानमा छ । गीतमा दर्शकले निकै सकरात्मक प्रतिक्रिया दिइरहेका छन् ।
साथै पल र पूजाको केमेष्ट्रिलाई पनि दर्शकले अत्यन्तै रुचाएका छन् । यो समाचार तयार पारिरहँदा गीतलाई १४ लाख ७४ हजारले हेरेका छन् । गीतलाई ७८ हजारले लाइक र २ हजारले डिसलाइक गरेका छन् ।
यस्तै गीतमा लगभग ९ हजारले कमेन्ट गरेका छन् भने अधिकांश कमेन्ट निकै सकरात्मक रहेको छ । गीतले चलचित्रप्रति दर्शकको उत्सुकता पनि निकै बढाइदिएको छ । म यस्तो गीत गाउँछु २ फागुन २३ बाट देशव्यापी रुपमा प्रदर्शनमा आउँदै छ ।
