पर्दामा एकसाथ देखिदैँ बर्षा र पुष्प

०३ पुष २०७६, काठमाडौँ

चलचित्र चालबाज मा सुरुमा नायिका केकी अधिकारी फाइनल भएकी थिइन् । तर यतिबेला उनी चलचित्र झिंगे दाउ को छायांकनमा व्यस्त भएकाले उनले चलचित्रबाट हात भिmिकन् । केकीले छोडेपछि चलचित्रमा नायिका बर्षा शिवाकोटीको इन्ट्रि भएको छ ।

अन्य कलाकार पनि चलचित्रमा सुरुमा नै फाइनल भएका थिए । चलचित्रमा नायकको रुपमा नव नायक अविनाश प्रधान चलचित्रमा फाइनल भएका थिए । तर उनले पनि पारिवारिक कारण देखाउँदै चलचित्रबाट हात झिके । अविनाशले हात झिकेपछि चलचित्रमा पुष्प खड्का भित्रिएका छन् । अब चलचित्रमा दर्शकले बर्षा र पुष्पको जोडीलाई देख्न पाउनेछन् ।

अरुण तामाङको लगानी र कैलाश राईको निर्देशनमा बनिरहेको चलचित्रमा सौरभ लामाको छायांकन, कमल राई र रामजी लामिछानेको नृत्य निर्देशन, दीपक शर्मा र अगोम गुरुङको संगीत छ। चलचित्रमा बुद्दि तामाङ, महेन्द्र बागदाश, चाँदनी प्रधान, सान्तिला तामाङको पनि अभिनय रहनेछ।