‘सेन्टि भाइरस’ को लागि तयार भएको थिएन ‘फनफनी’ गीत, कुमारले गरे खुलासा

०५ पुष २०७६, काठमाडौँ

धुर्मुस सुन्तलीले आफ्नै होम प्रोडक्सनमा निर्माण गरेको चलचित्र सेन्टि भाइरस को पहिलो गीत केहीदिन अघिमात्र सार्वजनिक भएको छ । अहिले यो गीतले युट्युबमा निकै चर्चा पाइरहेका छ ।

अधिकांश दर्शकले गीतलाई लिएर सकरात्मक प्रतिक्रिया दिइरहेका छन् । तर यो गीत चलचित्र सेन्टि भाइरस का लागि भने तयार भएको होइन । सुरुमा यो गीत सक्कीगोनि टिमले निर्माण गर्न लागेको चलचित्र फनफनी को टाइटल गीतको लागि तयार पारिएको थियो ।

यो कुराको खुलासा कुमार कट्टेलले गरेका हुन् । उनले डेढ बर्ष अगाडी नै यो गीत तयार भएको बताए । फनफनी बन्न केही समय लाग्ने भएकाले धुर्मुस सुन्तलीको चलचित्र सेन्टि भाइरस लाई यो गीत दिएको कुमारले बताए ।