०५ पुष २०७६, काठमाडौँ
कथावस्तु राम्रो भईकन खासै राम्रो कमाई गर्न नसकेको चलचित्र मारुनी एकपछि अर्को देशमा प्रदर्शनमा भैरहेको छ । केहीसमय अघि मारुनी जापानमा प्रदर्शन भएको थियो ।
जापानका दर्शकले मारुनी लाई निकै राम्रो प्रतिक्रिया दिएका थिए । अब मारुनी अष्ट्रेलिया सिड्नीमा प्रदर्शन हुने भएको छ । प्रदर्शनका लागि अभिनेता पुष्प खड्का र चलचित्रकी निर्मात्री पूनम गौतम पनि अष्ट्रेलिया जाने भएका छन् ।
पूनम गौतमले निर्माण र नवल नेपालले निर्देशन गरेको चलचित्र मारुनी मा पुष्प खड्का, साम्राज्ञी राज्यलक्ष्मी शाह, रेबिका गुरुङ लगायतका कलाकारको मुख्य भूमिका रहेको छ । चलचित्रमा साम्राज्ञीले ट्रान्स जेन्डर महिलाको भूमिका निभाएकी छिन् ।
