०८ पौष २०७६, काठमाडौं
नेपाल र चीन पहिलो अन्तरदेशीय विद्युत् प्रसारण लाइन निर्माणमा दुवै मुलुकबीच आफ्नो भूमिमा पर्ने खण्ड आआफै बनाउने सहमति भएको छ ।
नेपाल–चीन ग्रीड (प्रसारण लाइन) कनेक्टिभिटी परियोजनाको शुक्रबार सम्पन्न दुवै देशको प्राविधिक समिति (जेटीजी) को बैठकले उक्त सहमति गरेको हो ।
योसँगै रसुवागढी नाकाबाट जोड्ने १४९ किमी लामो रातमाटे–जिलोङ नेपाल तर्फबाट खण्ड ४०० केभी प्रसारण लाइनको निर्माणमा चीनको सहयोगको अपेक्षा टुंगिएको छ ।
अब नेपालले रसुवागढीदेखि नुवाकोटको रातमाटेसम्म ७० किलोमिटर प्रसारण लाइन निर्माण गर्नुपर्नेछ । यो समाचार आजको आर्थिक दैनिकमा दुर्गा लामिछानेले लेखेका छन् ।
