०८ पुष २०७६, काठमाडौँ
यो बर्षको प्रतिक्षित चलचित्रमध्येको एक छपाक पनि हो । दिपिका पादुकोणको मुख्य भूमिका रहेको चलचित्र छपाक को अफिसियल ट्रेलर केही समय अघिमात्र सार्वजनिक भएको थियो । ट्रेलरबाट दर्शकको सकरात्मक प्रतिक्रिया पाइरहेको छपाक रिलिजको २ हप्ता अगाडी विवादमा परेको छ ।
छपाक को कथालाई चोरीको आरोप लागेको छ । राकेश भारती नामका लेखकले फिल्मको कहानी चोरी गरेको आरोप लगाउँदै बम्बे हाइकोर्टमा याचिका दर्ता गरेका छन् । उनको आरोप अनुसार एसिड आक्रमणमा परेकी पीडितको जुन कहानीमा फिल्म बनेको छ, त्यो उनले लेखेका हुन् । फिल्ममा उनलाई लेखक रुपमा क्रेडिट दिइयोस् भनेर अपिल गरेका छन् ।
