यस्तो अवस्थामा भेटिए पूजा र आकाश

०८ पुष २०७६, काठमाडौँ

रामकहानी मा एकसाथ काम गरेपछि पूजा र आकाशको जोडीलाई दर्शकले असाध्यै रुचाएका थिए । त्यसपछि पूजा र आकाशले निरन्तर चलचित्रमा एकसाथ काम गरिरहेका छन् ।

रामकहानी पछि पूजा र आकाशले एकसाथ काम गरेको चलचित्र पोई पर्यो काले प्रदर्शनमा आइसकेको छ । पूजा र आकाशले एकसाथ काम गरेको अर्को चलचित्र सम्हालिन्छ कहिले मन रिलिजको पर्खाइमा छ । यस्तै पूजा र आकाश यतिबेला चलचित्र सम्झना बिर्सना को छायांकनमा व्यस्त छन् । दार्जलिङ, सिलगुडी लगायतका सुन्दर ठाउँमा चलचित्रको छायांकन भैरहेको छ ।

यसैबिच चलचित्रको सेटबाट नायिका पूजा शर्माले केही तस्बिरहरु सामाजिक सञ्जालमा सार्वजनिक गरेकी छिन् । पूजाले सार्वजनिक गरेको तस्बिरमा पूजा र आकाशलाई बुढो गेटअपमा देखाइएको छ । पूजा र आकाशका फ्यानले उक्त फोटोलाई लिएर राम्रो प्रतिक्रिया दिइरहेका छन् ।