०८ पुष २०७६, काठमाडौँ
अनुष्का श्रेष्ठ मिस वर्ल्ड मा सहभागी हुन केही समय अघि लण्डन गएकी छिन् । मिस वर्ल्ड को उत्कृष्ट १२ मा पुग्न सफल अनुष्का नेपाल फर्किएकी छिन् ।
नेपाल फर्किएकी अनुष्कालाई अहिले सबैले नेपाल उत्कृष्ट ५ मा पुग्न नसक्नुको कारण सोधिरहेका छन् । अनुष्काले पनि निर्धक्क भएर यस प्रश्नको जवाफ दिएकी छिन् ।
अनुष्काले नेपालको प्रतिभा अनुसार नेपाल उत्कृष्ट ५ को भागिदार भएको बताएकी छिन् । उनले नेपाल उत्कृष्ट ५ मा पर्न नसक्नुको कारण स्वयम आफैँलाई थाहा नभएको बताइन् । अनुष्काले अगाडि भनिन् ‘मिस वर्ल्डमा हाम्रो प्रस्तुति हेर्दा हामी उत्कृष्ट ५ मा पर्न लायक थियौं । म जान्न चाहन्छु कि, केही न केही कारण त थियो होला । तर, त्यो कारण हामीले जान्न पाएको खण्डमा अरु बर्ष हामीलाई सजिलो हुने थियो । त्यो पारदर्शिता देखाइदिन म आयोजकसँग आग्रह गर्दछु ।’
तर अनुष्काले यहाँसम्म आउनु नै आफ्नो लागि निकै ठूलो उपलब्धी भएको बताइन् । अनुष्काले आफूलाई भोट गरेर यो सफलता हासिल गर्न सहयोग गर्ने सम्पूर्णलाई धन्यवाद पनि दिइन् ।
