‘म सलमानलाई निकै माया गर्छु र उसँग फेरि काम गर्न उत्साहित छु’ : अक्षय कुमार

०९ पुष २०७६, काठमाडौँ

बलिउडका दुई चर्चित नायक अक्षय कुमार र सलमान खानको २०२० को इदमा ठूलो भिडन्त हुने देखिएको छ । २०२० को इदमा सलमान खान अभिनीत चलचित्र राधे प्रदर्शनमा आउने भएको छ भने अक्षय कुमार अभिनीत चलचित्र लक्ष्मी बम पनि सोही दिन प्रदर्शनमा आउने भएको छ । यसै कुरालाई लिएर अहिले सामाजिक सञ्जालमा सलमान र अक्षयका फ्यानबिच वार चलिरहेको छ ।

सलमान र अक्षयलाई यसबारे प्रश्न गरिन्छ । सलमानले केहीसमय अघि इद आफ्नो लागि मात्र नभएकाले इदमा अन्य चलचित्र पनि प्रदर्शनमा आउन सक्ने बताए । उनले अक्षय र आफ्नो चलचित्र एकैदिन प्रदर्शनमा आउँदा आफूलाई कुनै समस्या नभएको पनि बताएका थिए ।

यस्तै अक्षय कुमारले पनि सलमानसँग आफ्नो कुनै दुश्मनी भएका कारण चलचित्र एकैसाथ प्रदर्शनमा आउन नलागेको बताए । अक्षयले सलमानलाई निकै माया गर्ने बताए । उनले सलमानसँग फेरि काम गर्न आफू निकै उत्साहित रहेको पनि बताए । उनले मुझसे सादी करोगी २ मा सलमानसँग काम गर्ने इच्छा भएको पनि बताए ।