‘माइकल अधिकारी’ मा सौगात र सृष्टि फाइनल

०९ पुष २०७६, काठमाडौँ

पछिल्लो समयमा सौगात मल्ल र सृष्टि श्रेष्ठको व्यस्तता निकै नै बढेको छ । उनीहरुले एकसाथ चलचित्रमा काम गरिरहेका छन् । यसैबिच सौगात र सृष्टि नयाँ चलचित्रमा अनुबन्धित भएका छन् ।

गोपीकृष्ण मुभिजले निर्माण गर्न लागेको चलचित्र माइकल अधिकारी मा सौगात मल्ल र सृष्टि श्रेष्ठ फाइनल भएका छन् । चलचित्रलाई निरक पौडेलले निर्माण गर्ने भएका छन् । चलचित्रको कथा सेरोगेसीको वरिपरी रहने बताइएको छ । सौगात र सृष्टि बाहेक चलचित्रका लागि अन्य कलाकार फाइनल भैसकेका छैनन् ।