०९ पुष २०७६, काठमाडौँ
मिस वल्र्ड २०१९ मा सहभागी हुन लण्डन पुगेकी अनुष्का श्रेष्ठ केहीदिन अघिमात्र नेपाल फर्किएकी छिन् । अनुष्का उत्कृष्ट १२ बाट बाहिरिएकी थिइन् ।
मिस वल्र्ड को ताज नेपाल भित्र्याउन नसकेपनि अनुष्काले मिस वल्र्ड का २ महत्वपूर्ण ब्यूटि विथ प्रपोज र मल्टिमिडिया अवार्ड भने जित्न सफल भइन् ।
यस्तै अब अनुष्काले अब समाजसेवाको कामहरु गर्ने बताएकी छिन् । उनले सिन्धुपाल्चोकको पिछडिएको क्षेत्रमा महिला तथा बालिकाको शिक्षाको अवस्थामा दिगो सुधार गर्ने काम गर्ने लक्ष्य लिएको बताईन् । त्यसका लागि आमाहरुको आर्थिक सुधारमा केन्द्रित भई बालिकाहरुको शिक्षामा जोड दिने समेत उनले बताईन् ।
