१० पुस २०७६, काठमाडौं
म्यान्चेस्टर युनाइटेडका पूर्व खेलाडी एरिक कान्टोनाले म्यान्चेस्टर युनाइटेडले बुढो मान्छेले सेक्स गर्न खोजेजस्तो फुटबल खेलिरहेको बताउँदै यसले निराशा मात्र ल्याउने टिप्पणी गरेका छन् ।
ओले गनर सोल्कसायरको टोलीले स्थिर खेल प्रदर्शन गर्न नसक्दा यो सिजन पनि प्रिमियर लिगमा संघर्षरत छ । १८ खेलपछि युनाइटेड लिगको आठौँ स्थानमा सिमित रहेको छ ।
सर एलेक्स फर्गुसनले सन् २०१३ मा क्लबबाट बिदा लिएपछि युनाइटेडले लिग उपाधि जित्न सकेको छैन ।
युनाइटेडका म्यानेजर सोल्कसायरले आफ्नो टोली लिभरपुलजस्तै उत्कृष्ट हुनुपर्नेमा जोड दिएका थिए ।
तर, पाँच वर्ष क्लबमा बिताएर फर्गुसनको नेतृत्वमा चारवटा प्रिमियर लिग उपाधि जितेका एरिक भने अहिलेको टोली फ्यानहरुलाई उत्साहित बनाउने र उपाधिका लागि दाबेदारी प्रस्तुत गर्ने स्तरभन्दा धेरै पछाडि रहेको जिकिर गर्छन् । फ्रान्सका पूर्व खेलाडीले सोल्कसायरको टोलीले खेलेको हेर्नुमा कुनै मज्जा नै नरहेको टिप्पणी गरे ।
‘अहिले म्यान्चेस्टर युनाइटेडले खेलेको हेर्दा लाग्छ कुनै बुढो मान्छेले सेक्स गर्न खोजेको जस्तो लाग्छ । उसले सकेसम्म प्रयास गर्छ तर अन्त्यमा निराशाबाहेक केही हात लाग्दैन ।’
उनले ठट्टा गर्दै थपे, ‘बुढो मान्छेको कुरा गरिरहँदा त्यो म भने होइन । त्यो विम्ब मात्र हो ।’
