१० पुष २०७६, काठमाडौँ
कुनै समय नेपाली चलचित्र क्षेत्रमा आफूलाई सफल साबित गरेका नायिकाहरु अरुणिमा लम्साल, ऋचा घिमिरे र रञ्जना शर्मा लामो समयदेखि अमेरिकामा बस्दै आएका छन् ।
अमेरिका पलायन भएपछि यी नायिकाहरु चलचित्रमा देखिएका छैनन् र चलचित्रमा फर्कने सोचमा पनि छैनन् । अरुणिमा र रञ्जनाले भने सम्बन्ध विच्छेद गरिसकेका छन् भने ऋचा आफ्ना श्रीमानसँग नै खुसी छिन् ।
यस्तै अमेरिकामा बस्ने यी अभिनेत्री अहिले एकअर्काका मिल्ने साथी हुन् । उनीहरुले यसपटकको क्रिसमस पनि एकसाथ मनाए । तिनै अभिनेत्रीले एकसाथ क्रिसमस मनाएको तस्बिर सामाजिक सञ्जालमा पोष्ट गरेका छन् । तस्बिरमा नायिकाहरुलाई निकै मस्ती मुडमा देखिएको छ ।
