जसले जे सोचेपनि बर्षालाई पर्दैन फरक

१० पुष २०७६, काठमाडौँ

नायिका बर्षा शिवाकोटीलाई आजभोली फ्लप फिल्मकी हिट नायिका भन्न थालिएको छ । किनकी पछिल्लो समयमा बर्षा शिवाकोटी अभिनीत चलचित्र प्राय असफल छन् । तर उनि भने फ्लप भएकी छैनन् । उनको हातमा कामको कमी छैनन् ।

यस्तै कहिलेकाहिँ बर्षा सामाजिक सञ्जालमा लेख्ने गरेका स्टाटसका कारण पनि चर्चामा आउने गरेकी छिन् । हालैमात्र उनले सामाजिक सञ्जालमा एक तस्बिर सेयर गरेकी छिन् ।

तस्बिरमा उनले जसले जे सोचेपनि काम त गर्नैपर्यो लेखेकी छिन् । उनले भर्खरै मात्र नयाँ चलचित्र चालबाज साइन गरेको उक्त तस्बिर मार्फत सार्वजनिक गरेकी छिन् । साथै उनको स्टाटसबाट उनको बारेमा जसले जे सोचेपनि खासै फरक नपर्ने बुझिन्छ ।