स्वर्गीय केशव भट्टराईको १३ औँ दिनको पुण्यतिथिमा राखियो श्रद्धाञ्जली सभा, कलाकार बने भावुक

१२ पुष २०७६, काठमाडौँ

केहीदिन अघिमात्र नेपाली सिने जगतले चलचित्र क्षेत्रमा निरन्तर योगदान दिइरहेका वरिष्ठ कलाकार तथा चलचित्र विकास बोर्ड का अध्यक्ष केशव भट्टराई गुमाएको थियो । केशवसँगै चलचित्र क्षेत्रमा महत्वपूर्ण योगदान दिने दिपक क्षेत्री र आनन्द थापाजस्ता कलाकारले पनि केहीदिन अघि नै संसार छोडेका थिए ।

यस्तै यी तिनै कलाकारको श्रद्धाञ्जलीको लागि श्रद्धाञ्जली सभाको आयोजना हिजो भएको थियो । हिजो केशवको निधन भएको १३ औँ दिन पुगेको थियो ।

सभामा कलाकारका विभिन्न पेशागत सङ्घ–सङ्गठनका प्रतिनिधिले भट्टराईको निधनले नेपाली चलचित्र क्षेत्रले ठूलो क्षति भोग्नुपरेको धारणा व्यक्त  गरेका थिए । भट्टराईको मङ्सिर २९ गते राति हृदयघातका कारण ५३ वर्षको उमेर निधन भएको थियो । उनका श्रीमती र एक छोरा छन् ।