१२ पुष २०७६, काठमाडौँ
भारतीय टेलिभिजनका चर्चित कलाकार कुशल पंजावीले आत्महत्या गरेका छन् । उनले एक सुसाइड नोट समेत छोडेका छन् ।
कुशलले मुम्बईस्थित आफ्नो घरको पंखामा झुण्डिएर आत्महत्या गरेका हुन् । अहिले उनको मृत्युको खबर सामाजिक सञ्जाल निकै तात्तिरहेको छ ।
कुशलले सिआइडी, लव म्यारिज, देखो मगर प्यार से लगायतका सिरियलमा काम गरिसकेका छन् । सुसाइड नोटमा कुशलले आफ्नो मृत्युको कारण अरु कसैलाई नदेखाउन समेत आग्रह गरेका छन् ।
उनले नोटमा आफ्नो सम्पत्तिको ५० प्रतिशत अंश आमाबुबा र बहिनीलाई र बाकिँ ५० प्रतिशत आफ्ना ३ बर्षिया छोरालाई बाडियोस् भनेका छन् ।
