‘प्रेमगीत ३’ मा सुनिलको यस्तो लुक्स

१२ पुष २०७६, काठमाडौँ

यो बर्षको सबैभन्दा प्रतिक्षित चलचित्र प्रेमगीत ३ को नयाँ पोष्टर रिलिज भएको छ । पोष्टरमा चलचित्रका मुख्य कलाकार सुनिल थापा फिचर्ड छन् ।

यो अघि नै प्रेमगीत ३ का अरु क्यारेक्टर कृष्टिना गुरुङ, अनुभव रेग्मी, शिव रेग्मी, मनिष लिम्बु लगायतका कलाकारको पोष्टर रिलिज भैसकेको छ ।

पोस्टरमा कलाकार थापालाई फरक अवतारमा देख्न सकिन्छ । भारी हिउँ परिरहेको समयमा उनी टाढाको यात्रामा निस्किएको पोस्टरबाट अनुमान गर्न सकिन्छ । बाक्लो कपडा लगाएका उनले एक पोस्टरमा पौराणिक बाजा ९ड्रम० बजाएका छन् । उनको फरक अवतारले दर्शकमा फिल्मप्रति कौतुहलता पैदा गर्ने देखिन्छ । तर, निर्माण टिमले उनको भूमिका भने खुलाएको छैन ।

चैत्र २८ बाट प्रेमगीत ३ देशव्यापी रुपमा प्रदर्शनमा आउँदै छ । चलचित्रलाई सन्तोष सेनले निर्माण गरेका हुन् भने चलचित्रलाई सन्तोष र छेतन गुरुङले संयुक्त रुपमा निर्देशन गरिरहेका छन् ।