१३ पुष २०७६, काठमाडौँ
केहीदिन अगाडी मात्र नेपाल आएकी भारतकी चर्चित गायिका आशा भोस्लेले हिजो सोल्टि होटलमा आयोजित वृहत कार्यक्रममा नेपालका दर्शकलाई झुमाएकी छिन् ।
आशाले कार्यक्रममा नेपाली गीतहरु नै धेरै गाइन् । साधना कला केन्द्रको निमन्त्रणामा उनी नेपाल आएकी थिइन् ।
सोल्टी होटलमा आयोजना गरिएको साङ्गीतिक कार्यक्रममा दर्शकहरु खचाखच भरिएका थिए । कुर्सी भरिएपछि केही दर्शकहरु उभिएरै भए पनि कार्यक्रमको अवलोकन गरेका थिए ।
आशाले किन बढ्दैछ ढुकढुकी मुटुको, आगेआगे तोपकै गोला, डाँडा खोलाबगर, झझल्को लिएर आएछ, माइतीघर, मोहनी लाग्ला है लगायतका गीतमा प्रस्तुती दिइन् । मोहनी लाग्ला है गीतमा गायक रामकृष्ण ढकालले भोस्लेलाई साथ दिएका थिए ।
