१३ पुष २०७६, काठमाडौँ
दर्शक र समिक्षकले निकै रुचाएपनि व्यापारिक रुपमा त्यति सफल नभएको चलचित्र मारुनी अहिले विभिन्न देशहरुमा प्रदर्शन भैरहेको छ । केही समय अघि मारुनी जापान मा प्रदर्शन भएको थियो । जापानका दर्शकले मारुनी लाई निकै नै रुचाएका थिए ।
भर्खरै मात्र चलचित्र अष्ट्रेलियामा पनि रिलिज भयो । अष्ट्रेलियाका दर्शकले मारुनी लाई निकै नै रुचाए । अष्ट्रेलियामा भएको मारुनी को विशेष शो मा चलचित्रकी निर्मात्री पूनम गौतम र अभिनेता पुष्प खड्का अष्ट्रेलिया पुगेका थिए ।
हामीले जुन दर्शकको अपेक्षा गरेका थियौँ, त्योभन्दा बढी उपस्थित हुनु हुभयो, निर्मात्री गौतमले भनिन्, दर्शकको उपस्थितिले हामीलाई खुसी बनाएको छ ।’ नायक खड्का पनि अष्ट्रेलियामा मारुनीले पाएको प्रतिक्रियाबाट दंग छन् । ‘जति पनि दर्शकले चलचित्र हेर्नुभयो उहाँहरुले फिल्म रुचाउनु भएको छ । मलाई भेटेर धेरैले राम्रो प्रतिकृया दिनुभएको छ,’ पुष्प भन्छन् ।
पुष्प खड्का, साम्राज्ञी राज्यलक्ष्मी शाह, रेबिका गुरुङ लगायतका कलाकारको मुख्य भूमिका रहेको चलचित्रलाई नवल नेपालले निर्देशन गरेका हुन् ।
