आगामी दशैँमा ३ चलचित्र रिलिज हुदैँ

१३ पुष २०७६, काठमाडौँ

आजभोली नेपाली चलचित्रहरु निर्माण हुनुभन्दा अघि नै रिलिज डेट तय भैसकेका हुन्छन् । विशेष चाडपर्वमा चलचित्रको प्रदर्शन राख्ने निर्माता निर्देशकको पुरानो बानी अझै गएको छैन ।

यस्तै आगामी दशैँको लागि पनि ३ चलचित्र बुक भैसकेका छन् । ती चलचित्रमध्ये कुनै चलचित्रको पनि छायांकन सुरु भएको छैन । अझ भनुम कति चलचित्रको लागि त कलाकार नै फाइनल भएका छैनन् ।

यो दशैँमा प्रदर्शनमा आएको चलचित्र रातो टिका निधारमा का निर्देशक अशोक शर्माले आगामी दशैँमा अल्लारे २ लिएर दर्शकमाझ आउने बताएका थिए । यस्तै निर्देशक प्रदिप भट्टराईको निर्देशन रहने अहिलेसम्म नाम नखुलाइएको चलचित्र पनि दशैँमा नै रिलिज हुने बताइएको छ ।

यसैबिच दिपक–दिपाले पनि आगामी दशैँमा छक्का पञ्जा ४ आउने घोषणा गरिसकेका छन् । छक्का पञ्जा ४ का अहिले दिपक दिपा नायिका खोजिरहेका छन् ।