१४ पुस २०७६, वासिङ्टन
अमेरिकी राष्ट्रपति डोनल्ड ट्रम्पकी छोरी तथा सल्लाहकार इभान्का ट्रम्पले यदी आफ्ना बावुले फेरि राष्ट्रपतिको चुनाव जिते ह्वइटहाउस छाड्ने संकेत गरेकी छन् ।
२०२० मा हुन लागेको राष्ट्रपतीय निर्वाचनमा ट्रम्पले जितेको खण्डमा इभान्काले ह्वाइटहाउस छाड्ने संकेत दिएकी हुन् । सिबिएस च्यानलसँग अन्तर्वार्ताको क्रममा इभान्काले अब आफ्ना सन्तान र उनीहरुको खुसीलाई पहिलो प्राथमिकता दिने उनले बताएकी हुन् ।
उनका बावुले फेरि चुनाव जितेको खण्डमा उनको प्रशासन सम्हालिराख्ने कि छाड्ने भनी अन्तर्वार्तामा सोध्दा इभान्काले आफ्ना सन्तानको लागि समय दिने प्रतिक्रिया दिइन् । ‘मेरा निर्णय सधैँ उनीहरुका आवस्यकताका लागि पहिलो र प्रमुख हुनेछन् । यसैले मेरो जवाफ उनीहरुले नै निर्धारण गर्नेछन्,’ सिबिएसको ‘फेस द नेशन’ का लागि इभान्काले भनेकी हुन् ।
उनले पछिल्लो दुई वर्षमा देशका हरेक राज्य भ्रमण गरेको र यो अवसरको लागि नै भएको उनको भनाइ छ । ३८ वर्षीया इभान्काले सामाजिक अभियानको आफ्नो काम सम्पन्न भइनसकेको पनि बताइन् । उनले थपिन्, ‘हामीले धेरै गर्यौँ, तर पूर्ण भएको छैन ।’
यस्तै उनले यथार्थमा राजनीति कम महत्वको विषय भएको प्रतिक्रिया दिएकी छन् । इभान्का र उनका पति जार्ड कुसनर २०१७ देखि नै ट्रम्प प्रशासनका लागि काम गर्दैआएका छन् । उनीहरुले ट्रम्पको राष्ट्रपतीय अभियानका लागि पनि काम गरेका थिए ।
